لوحة شرف.بقلم.اشرف الشناوي
غزه
الحلوه الجميله الشقيه
من دمها بتدينا العيديه
من دمعها بتغسل
في عارنا . وانتظارنا
غزه يااااااقمرنا
فين الحمام
اللي هجر دارنا
غزه واقفه لوحدها
وسط انكسارنا
غزه ياساتره الوطن
ساكت واخرس
يام الايدين الطيبه
يامنبته ورد وريحان
ومشيبه في الامريكان
ياصلبه طولك زى عود الزان
غزه أقوى من الزمان
غزه يالوحة شرف
وسط القرف
يادم بيضوي عالتراب
ياحلم مغزول في الخراب
مش باقي من عز العرب
غير بس باب
غزه ياريحة الشباب
يامئصله في الانتساب
يامروضه الوحش اللي ساب
لو طوبه واحده هتفضلي
كل الكتاب…
اشرف الشناوي
شاعر عاميه
التعليقات مغلقة، ولكن تركبكس وبينغبكس مفتوحة.