لوحة وحكاية ” ياختي يا نبوية “
بقلم سامي حنا
ياختي يا نبوية ، أبو مسعد عايز يودى البت المدرسه قال ايه اليابانية … قولتله اللى قبلنا قالوها يا خويا يابانى فى غير ملكك يا مشمت العدا فيك .. قولتله مينفعشى يا ابو مسعد يا اخويا … البت خرطها خراط البنات و لازما حتما متعتبش بره البيت … قالى يعنى هاتخيبى املها جنبك يا وليه سيبيها يمكن يشوفها واحد يجبر بخاطرها و يتجوزها … قلتله بلا وكسه هى الكفر دى فيها حد يسر الخاطر دول كلهم مقاطيع
و بعدين ياختى بيقولوا على ما بسمع يعنى، إنهم بيعملوا مقابله أو كشف هيئه للعيال قبل ما ياخدوها ،،، و احنا ياختى غلابه ،،، قالى انو الاستاذ سامى ده كان مستوظف كبير اوى فى التعليم و ليلاتى سهران مع الوزير فى قهوه ابو خفاجه اللي على أول الطريق هو وصاحبه عبد الشكور ؛؛؛ هو قاله متعتلش هم و هايعملها وسطه و يدخلها الياباني
التعليقات مغلقة.