لو مش عاوز شعر /رضا أبو الغيط
لو مش عاوز بكرة يقابلك
وانت دموعك ماليه عينيك
احلم واسعى تحقق حلمك
وانت تشوف الخير ف ايديك
لو مش عاوز بكرة يشوفك
وانت بتشكي م اللي بيك
قوم واتحدى كل ظروفك
وانت هتلقى النور حواليك
حاول تفهم ان حياتك
مش بإرادتك أو بإيديك
واعرف ان لحد مماتك
رزقك وهبه المولى إليك
مش مطلوب غير بس تفكر
وتشوف ايه بس اللي عليك
واترك ربك……. وحده يدبر
وبلاش تطمع ف اللى ما ليك
افرد وشك . ..واوعى تغشك
دنيا بنارها ……..راح تإذيك
وابني بصبرك …اركان عشك
واوعى اليأس يغمي عينيك
خليك راجل واعرف قيمتك
واوعى الدنيا…… تلعب بيك
وابني بفعلك أركان سيرتك
علشان دايما ….. نفخر بيك
التعليقات مغلقة.