لو مش قد
سامح لطف الله
لو مش قد السر تصونه
سد ودانك
لو مش قد الحق تقوله
لم لسانك
لو مش قد الشمس تشوفها
شد اجفانك
لو مش قد الحق ونوره
احسن لينا ما تعرفناش
لو مش قد العيش والملح
لو في النية تزيد الجرح
لو هتطفي شموع الفرح
تف اللقمة وماتاكلهاش
قطع الورقة وتقليم فرع
هي الكوسة هي القرع
جدرها شارب زفت الضرع
تطرح ايه غير بوم واحناش
قص الجدر وهات لغاليغه
واقفل درج ودوس امازيغه
قصر القول ف الودن بليغه
اما اللف ما يلزمناش
سامح لطف الله
التعليقات مغلقة.