ليس للزواج علاقة بالعُمر
بـقلم أسـمـاء الـبـيـطـار
و بيبدأ التعارف و القاعدة عندها كام سنة و عنده كام سنة
صحيح حاجة لازم تتعرف بس مش شرط علشان الجوازة تتم
و بعد سن الاتنين ما يتعرف
لا دا كبير عليها
لا دي صُغيرة مش هتعرف تشيل مسئولية
لا لا لا دوول اد بعض في السن و هيبقوا ناقر و نقير
لا دي اكبر من بسنة يعني من همه هياخد اد أمه
و كلام من دا كتير بقى و إحنا لسه بنقول يا هادي
علشان نبقى واضحين السن ما لوش علاقة بالتوافق في أي علاقة في الدُنيا و من ضمنهم الحياة الزوجية طبعاً
الحياة الزوجية لها علاقة بالتوافق الروحي أولاً و ثانياً و ثالثاً .
و إذا توافقت الأرواح و بالبلدي كده زي ما بنقول ارتاحوا لبعض
يبقى هتلاقي في توافق عقلي و فكري
و تنازل عن بعض الشروط و دي حط تحتها ميت خط لأن بسبب الشروط دي ممكن الجوازة تبوظ ليها موضوع منفرد إن شاء الله
لأن الشروط دي كارثة من الكوارث
فمادام التوافق الروحي موجود فمن هنا تبدأ الحياة
و من اعقد العلاقات في الدُنيا في رأيي الشخصي العلاقة الزوجية و إقامة بيت و استقراره .
كتير من النماذج شوفناها ناجحة و فارق العُمر بين الزوجين اكثر من خمسة عشر عام طبعا الزوج هو الأكبر فهنا تأكدوا أنه تزوج سيدة ذات عقل من طراز خاص من طراز البيوت الأصيلة بتاعتنا بتاعة البنت اللي متربية على تحمل مسؤلية إن السن دا اخر حاجة تبص ليه .
هي متزوجة من رجل بمعنى الكلمة هي ابنته و زوجته .
و هناك نماذج طبعاً مرت علي كتير مننا أن الزوجة هي اللي اكبر من الزوج بسنة بسنتين و يا رب يكون بشهر واحد في اعرافنا و استحملواني بردوا دي لوحدها بردوا مصيبة تانيه و بردوا نبقى نتكلم عنها اسمها اكبر منه .
العلاقة دي شوفناها بردوا ناجحة جدا و يكفي انها امه و زوجته .
اختاروا يا جماعة اللي تقدروا تعيشوا معهم بقلبكم و بروحكم
اللي تشوفوا منهم رحمة وود
اللي يقدروا يكملوا معاكم الحياة و هما شايفنكم بقلوبهم مش بنظرة الناس .
اركنوا السن على جنب هتشوفوا الناس صح .
التعليقات مغلقة.