ليــــلك نــاي…بقلم معوض حلمي الفلاح الفصيح
من أول مره ناديتي وقولتي اتلم ياواد ..
وجريتي بسرعه قفلتي الباب
وانا لسه باعاتب في عينيا
إزاي تفضحني ..؟
وتكشف لك سر جنوني ..
أقولك سر
واوعاكي تقولي إن انا كداب ..
أنا شايف في عينيكي الشمس النايمه ف حضن الليل
بتزق الضلمه عشان النور يوصل لعيوني
..
وشايف ليلك ناي
بينادي الصبح الجاي
ونجومه تنام ف سماكي
ونداكي يصحي الورد فيرسم شكلي ولوني .
بقلمي الفلاح الفصيح /معوض حلمي
منشأة بطاش /تمي الأمديد /دقهلية
التعليقات مغلقة.