ليك عليا بقلم أيمن شتا

ليك عليا..
لما اشوفك مرة صدفة..
امشي عكس الاتجاه..
همسك انا طوق النجاه..
هبني بنا الف سد..
واشتري لنفسي الحياة..
…
اصلي دقت الجرح مرة..
مش هجرب جرح تاني..
لو شربت القهوة مرة..
بكرة يتعود لساني..
…
لما اشوفك مرة صدفة..
همسح الذكرى في ثواني..
….
مش هسيب للذكرى حاضر..
مش هقلب في اللي فات..
بس لو كان ليا خاطر..
ادفن الحب اللي مات..
….
وانسى حتى الأربعين..
مش هنعمله صوان..
مش هناخد له عزا..
أصله مات قبل الأوان..
…
لما اشوفك مرة صدفة..
هختفي وانسى اللي كان..
…
لو عنيا جت عليك..
هلمح الدبلة في ايديك..
هعرف اني مليش نصيب..
وان قلبك كان غريب..
كل جرح وله طبيب..
الا جرح قلبي فيك..
…
بس لو كان ليا خاطر..
ادفن الحب اللي مات..
مش هسيب للذكرى حاضر..
مش هقلب في اللي فات..
هرمي كل ذكرى بنا..
جوا خانة الذكريات..
…
لما اشوفك مرة صدفة..
هرمي نظرة من سكات..
…