ليلة مصرية…
عبد السلام عبد النبي
قوموا نحني العروسه
بحنه ورديه
احلي ليله
فوق جبين الذكريات
والله دي الجنه كلام
احلي كلام
مليان غناوي
وحكايات
ويقوم يقول
طبعا حبيبتي
انت روحي
وانت انت
اللي واخده
الحب كله
اللي ساحره
القلب وظله
وانت طبعا يا اميره
حضنك الدافي سفينتي
لما تشتدالرياح
او اتوه وسط البراح
التقيكي بتناديني
وف عيونك بتشيليني
الامان في القرب منك
الاسي في البعد عنك
يا عروسه منوره
مصر حره سكره
مصحصحاتي ينادي
وصوته شق البوادي
رسم اماني لبكره
طمن عيوني وفوادي
كلامه كان دعوه صافيه
لكل قلب يحبك
شد العزيمه يا ولدي
دي مصر امي وامك
جينا لزفه عروسه الحب
في الكوشه
كانت هدوم الزفاف
نوته ومنقوشه
النقش نغمه
بتحي قلوب وتشفيها
وقالوا شمس الاصيل
نازله تدفيها
ومدهبه يا نيل
بالبسمه تهديها
والتحفه متصوره
والليله ورديه
وكان ختام الكلام
انغام منديه
والقلب يعشق
جمال الحب يا بلدي
التعليقات مغلقة.