ليلة ميلاد المصطفى.. شعر السيد الشيتي
ليلة ميلاد المصطفى
أبهى ليالى الكون
لما الإله اصطفى
من نوره قلب حنون
حرك قلوب البشر
نطق الحجر مفتون
والجهل كان بركان غضب
يعمى قلوب وعيون
كل ال عاش قبل النبى
كان ف الظلام مسجون
المصطفى بعته الاله
رحمه وهديه للبشر
العدل ميزان دنيته
والظلم قدامه انكسر
والجهل تاه عن سكته
نور الإيمان ال انتصر
احن قلب على البشر
قلبه اليتيم
مولود و رحمة ربنا
تاجه العظيم
عرف العدو قبل الحبيب
انه رحيم
احنا فين دلوقت
من نهج الرسول
لهتنا الدنيا بفروعها
ونستنا الاصول
الطمع أسّى قلوب الناس
طفى نور العقول
نسينا نور ربنا
ُُِِتهنا ورا المجهول
يارسول الله ياريتك
كنت عايش فى زمانّا
كنت هتصحى الضماير
ال ضاع بيها أملنا
ولاعمرنا هنحس
بالغربه ف وطنّا
لما ضيعنا الايمان
كان ظلام اليأس حالنا
التعليقات مغلقة.