ليه إتسبت …شعر غنائي بقلم إبراهيم الأفندي
قبل ما ترجع تاني احكيلي
انت حكايتك ايه بالظبط
ايه خلاك تمشي وتسيبني
ما توضح انا ليه إتسبت
كنت زمان اتمنى وجودك
كنت بترفض واتعصبت
ومشيت وانا محتاجك جنبي
كدا من نفسك واتسحبت
بعت ومش راجع في البيعة
عايز انسى ليالي فظيعة
أنا أجدع واحد فـي الشدة
ومقدم لكْ مليون سبت
ما توضح انا ليه إتسبت
كنت زمان اتمنى وجودك
كنت بترفض واتعصبت
ومشيت وانا محتاجك جنبي
كدا من نفسك واتسحبت
مش هأفرح بيك ولا هأرقص لك وانت بترجع
بعد ما بانت قلة اصلك لازم تسمع
اللي بيخرج من ايامي أسمح لُه والباب مفتوح
لكن ترجع لي َمن تاني انا اسف لا مش مسموح
لما قالولي ان انت بتندم عايز ترجع إستغربَت
بعت ومش راجع في البيعة
عايز انسى ليالي فظيعة
أنا أجدع واحد فـي الشدة
ومقدم لك مليون سبت
مش عايزك ولا عايز اشوفك
ولا اعرف انا ليه إتسبت
التعليقات مغلقة.