ليه الفرَح بدموع…شعر إبراهيم شافعي
ليه الفرَح زي الألم بدموع
يعني نموت من التعب
ولا نموت من الجوع؟
والفرح مداري
ورا ألف باب موصود
واللي يحب كمان
عاش الحياة موجوع
مكتوب علينا الشقى
والفرح مش مكتوب
والصبر طعمه مرار
زي اللي بات مغلوب
طريق وكله ألم
ومافيش حدود ورجوع
دمعي على الخدبن
وايدي حضن بعيد
وإن قلت يوم نلتقي
الفرح قااااال ممنوع
واللي يحب بجد
عاش الضنى موجوع
والصبر يا أهل الصبر
نكته كماااان بايخة
ده حلم ولا كابوس
والوعد كان مكذوب
عشت الحياة بالأمل
وهاموت وأنا مخدوع
يعني الشقي مكتوب
كأنه جوه الجين
لا عمره يوم يختشي
ولا يرتجع بالدين
سلطان وطبعه الأسى
ولا تنطفي له شموع
التعليقات مغلقة.