ليه انا بشتقلك…بقلم بسمه عيسى
ليه انا بشتقلك
يا حبيبي لو غبت ثواني
وكتير بندهلك
وحياتي الاقيها معنداني
وف عز الوحده
بشوفك انت وبحتاجلك
واتمنى العمر معاك انت
لو لثواني يرجع تاني
ليه قلبي دايما ملهوف عليك وبستناك على نار الشوق
وبخاف عليك
ليه كل ما بسمع غنوه حلوه
تفكرني بيك
والاقيها توصف كل مشاعري وحبي ليك
بتوصف شوقي
بكل همسة بكل لمسة
وبكل فرحة
وبكل حنان وأمان حسيته فيك
ليه لما الدنيا كتير
بلاقيها بتيجي عليا
مبشوفش غيرك
ياعمري جنبي بتسأل عليا وحدك الاقيك بتسمعني
وتهون عليا
وتطبطب على قلبي بحنانك وحبك ليا
اما بسمع ضحتك وبتبقى جنبي
بانسى همى وحزني كله
وقلبي طاير فرحان بيغني
انت مش بس دنيتي
ده انت حياتي وجنتي
وفرحتي وسعادتي بيك
غيرت ألوان حياتي
حبك ياعمري بحر كبير
وموجه عالي كتير وخطير
وكل موجة عشق فيه
بغرق في حبك
وتيجي موجة تانية أحلى وأقوى منها أغرق في ثانيه
واعيش في دنيا غير الدنيا
بتمنى أغرق فيك على طول ولآخر عمري هفضل احبك
واغرق في حبك
عرفت ليه ياعمري كله
أنا قلبي بيك على طول مشغول ؟
وبقه حلم عمري
يدوم لقانا بفرحة هوانا
دابما على طول
دابما على طول
بقلم… بسمه عيسى
التعليقات مغلقة.