ليه بتعاند “من ديوان على قد الشوق”…
بقلم محمود فودة
ليه بتعاند
حبيبي فاكر كل حـاجــه مش ناسيــك
حبيبي ليه تحرمنـي من نظـــرة عنيك
لو كنت فاكر ان الخصام أرض السـلام
فأنا قلبي كان حضن الوئام وبيحتويك
ليه تغيب عليا وانت عارف مستحــيل
أصبر على بعدك ثواني ولا حتــى ميل
لو كنت تقدر تبعد انت تبقـــى قــاسـي
على قلب مغرم باللي حَبه وفيــه دليل
إسأل عليـــا العـــاشقين مين زي مين
كم مره قلبي يطمنك ويعيش حـزيــن
كم مره قولت ازاى حــالك يا حبيبــي
لو مره قولتها قلبي كان يســـأل متين
لكن انت دايما في الهوى بتقسى عليه
قلبــي من نوع اللي عايزك تحب فيــه
مش تجرحه وكمان بتنسى انه حبيبك
وتزيد في هجرك وانت أول حب ليــه
ليه لما احبك واشتريك بتبيعني تانـي
ليه لما شوقي غلبني ليك بتكون اناني
ليه قلبي يصرخ كل ليـله من الوجــــع
وانا بتوجـع لمـا اشتكــي منك ثوانــي
إنت القريب لقلبي وانت اللي إشتهــاك
إنت الحبيب ولا كنت عاشق غير هواك
إزاى تسيبني وقت ما احتاج لك تكـون
زي الغـريب على أرض ليه شـوكها أذاك
عشمان في حبي يبقى جنبــي كل يوم
يأنسني حتى ف وحــدتـي يبقالـه كوم
ما دام حبيبي وروحــي فيـــه هنقــدره
على مركب العشاق معايا مفيش هموم
**
من ديوان على قد الشوق
بقلم الشاعر محمود فوده
التعليقات مغلقة.