ليه بعشقك … بقلم/ الشاعر محمد الشناوى الشيوى
مش عيونك إللى
واخده
منى احلى زهور
حياتى
مش رموشك اللى
زادو أنين آهاتى
لأ داكلك
فيكى سحر يشدنى
نور جمالك من بعيد
بيخضنى
أبقى جنبك مش
لاقينى
من حنينى
أبقى نفسى أتنفسك
لوحتى لحظه صغيره
يامحيره قلبي إللى شاب
من رقتك
مع إنه في دروب الأمل
لساه فتى
يانسمه حلوه رق قلبى
كتبتها
لهمس الندى
قلبي إهتدى
خبيت حروفها
بين رموشى
بلت رسايل مهجتى
بتأملك ورده ناديه
فات ميعاد الانتظار
مع إن رقه خطوتك
بتحب أحضان النهار
شدو البلابل يرسمك
ياسامينه بتعلى
الجدار
ياعمر طار
لسه فى كفوف نبض
اللقى
شارع موصل للأمل
لوإنى أغضب محتمل
هاأرمى الخطى
علي سكتك وهتوصلك
وهفصلك حلمين
بواقى
شبه عيونك فتانين
وهقولهم لايبوحو
بالسر الدفين
ليه بعشقك
التعليقات مغلقة.