لِسه شعر غنائي كلمات /إبراهيم الافندي
لا و لِسه و لسه و لسه
ما شبعناش غدر وخِسة
على ايدك يا زمان سلمنا
يا معذبنا و مألمنا
يا استاذنا و يا معلمنا
ما تعيدش الحزن احنا فهمنا
يقولي ابدا لسه
دي كانت أول حصة
هات يا زمان غدر و خسة
هات لي الناس اللي بتخدعني
دوس على أيدي اللي بتوجعني
لو معاك ظلم مخبيه
طلع بقا ظلمك و إلسعني
هات لي ناس تكدب و تغش
هات لي أشكال ما تطمنش
و إقفل لي فصول القصة
عندك بقا احزان لسة
على ايدك يا زمان سلمنا
يا معذبنا و مألمنا
يا استاذنا و يا معلمنا
ما تعيدش خلاص احنا فهمنا
يقولي و حياتك لسه
دي كانت أول حصة
هات يا زمان غدر و خسة
أوعوا تقولوا أن احنا في غابة
الغابة ما هياش كدابة
دنيانا مليانه عيوب
مليانة احزان و كآبة
شوفتم وحش بيقتل اخوه
شوفتم ديب ياكل في دبابة
د احنا وحشين مع بعضينا
دحنا علي بعض بنتغابه
هات يا زمان كل اللي معاك
لا محايلك و لا ح اترجاك
هات لي الناس اللي بتخدعني
دوس على أيدي اللي بتوجعني
لو معاك ظلم مخبيه
طلع بقا ظلمك و إلسعني
هات لي ناس تكدب و تغش
هات لي أشكال ما تطمنش
هات كمان غدر و خسة
نستاهل اكتر لسه
و لسة و لسه و لسه
التعليقات مغلقة.