ماتبعترنيش بقلم شيماء عادل

ما تبعترنيش ف رسايل
حبرها ممدود بضمير مغشوش
حطب الاوجاع لسه ما طابش
وضمير الضهر لساته ما جاش
طبطب علي قلب الموجوع
اكسر جواه لحظات
لو عدت هيكون ف خضوع
طول عمره وعمره هيتباع
مزادات بتعلي اسعارها
وتشعلل من قلبك نارها
وتعاني من صوت الجوع
الصوت واطي من قلب القاع
واطي ومسموع
حيران بضمير مهزوز
ف ساعات الضلمه يكون نوره
ابيض وبقلب عجوز
لملم ف اكمامه صوت عصافير
مهمومه وساكته على شجرها
رغم انه مخاوي كتير اصناف
ضاع عمره يدور ف اسرارها
ساكت قلبه وبنص اليل
بيشد ضميره من التوهه
عايش حلمه مش لاقي دليل
ان السكران يبقاله توبه
دي رسايلي الغاليه المكتوبه
عايشه بترميني ف حواديتها
وانا بسكت وبكون مغلوبه
لجل القوه تعيش ف سكاتها
نبض الحوارات بيعيش مهموم
بيغطي الشط من الموجه
قلبك زايف على طول موهوم
وانا قلبي عليل ملهوش توبه
ساكت بهتان
بتحور على قلب الجدعان
العشق لقلبك كان ميت
وانا قلبي اهو مات
ركز ف كفن مالهوش جوابات
دي رسايلك معدومه تملي
والباقي اتبعتر ف الطرقات