ماتظلمنيش بقلم / محمد مفتاح
حاولت كتير لكن الأيام كانت أقوي
أحن اليكي وأرجعلك ألاقي البعد يستقوي
وأرجع تاني وأنا مكسور ماليش مأوي
قوليلي أزاي أنا أنساكي
وحتي أما أبقي وياكي
ياخدني الشوق وأتمنى
يطول الوقت مايعديش
كأن أنا وأنتي في الجنه
منايا أبقي فيها وأعيش
ماتظلمنيش
وماتحاوليش
ترسمي صوره مش حقيقيه للواقع
أنا بعادي اتجبرت عليه وكان عندك سبب دافع
وقولتي الحب مش شافع
ده مايكفيش
ماتظلمنيش
بلاش تمشي في ضل الوهم وتصاحبيه
وقلبي أندهي تلاقيه
راجع ليكي طايع خاضع
علشان الدنيا ومافيها
مافيش فيها
بديل ليكي
أنا مازلت بناديكي
حبيبة الروح
ومهما بعدت بلاقيكي
منين مابروح
مشاركه القلب في الدقات
مابتغيبي في عمري ساعات
ووقت النوم بكون مهموم
تجيلي أنتي في أحلامي
كأنك واقفه قدامي
وتقولي مالك في إيه
مدام بتحب ليه ساكت
وإحساسك حاول تداريه
علشان واضح
عيونك فيه شئ فاضح
بيحكي عاللي جوه القلب
أنا عازراك بجد معاك
علشان أنا وأنت مالناش ذنب
أنا حساك تملي معاك وعايشه هواك
وفي بعادك بحس بقرب
ياخدني اليك حنين جارف
أكيد عارف
مادام شفت في عينيك الحب
يا أكتر قلب في الدنيا أنا عشقته
بقي حكايتي ماليش أنا سيره غير سيرته
آسرني هواه
بقيت بهواه
وخدني بالهوا أسيرته
التعليقات مغلقة.