مات الوفا بعد الجفا بقلم.د/صلاح علامة
مات الوفا بعد الجفا
والحب كله صار كلام
وحياة حبيبي المصطفى
أنا قلبي متحطم حطام
وان كنت صادق في الهوى
علمني يا محلى العلام
مات الوفا بعد الجفا
والحب كله صار كلام
زمان قالوا الحب موت
وتموت لحبك مش حرام
العشق موت فيه الحياة
مش كلمتين كدا والسلام
عنتر وعبلة وقيسُ ليلى
شوف كم مضى من ألف عام
الحب بالحب حبيبي
الحب عالم فيه نظام
مات الوفا بعد الجفا
والحب كله صار كلام
متحبنيش كدا بين وبين
متحبنيش كدا والسلام
وان كنت مظلوم في الهوى
وبيتعبك شوق الغرام
يبقى فعلا دنيا فانية
وخسارة فيك العلام
مات الوفا بعد الجفا
والحب كله صار كلام
التعليقات مغلقة.