ماذا ..لو….بقلم سمير الخولي
ماذا لو تم استغلال هذا الوباء فى تحقيق طفرة مجتمعية واقتصادية غير مسبوقة …يبدو الكلام غير منطقى ومستفز … ولكن بدون ما حد يشتم تعالوا معايا كده لحظة
نحن نطبق حظرا شكليا من السابعة مساء كل يوم والتأكد من هذا الكلام إدخلوا الشوارع الجانبية فى المناطق الشعبية بل وغير الشعبية ستجدون هذه الشوارع قد تحولت إلى منتديات ومقاهى كاملة الشباب يتجمعون أمام بيوتهم كراسى ومشروبات والعاب وكأننا فى رحلة أو مصيف واتسائل هل فيروس كورونا ينام طول النهار ولا يستيقظ إلا فى السابعة سؤال بسيط ولكن دعونى أخبركم أولا أنى مع كل الإجراءات الاحترازية بل واحى حكومتنا عليها لكن نرجع تانى للسؤال صباح كل يوم زحام أمام مكاتب البريد والبنوك وإغلاق تام للمرور والشهر العقارى والمحاكم ومختلف المصالح والشركات والمصانع تعمل بأقل من نصف طاقتها .. ليه … احنا ممكن نعمل كل الإجراءات وفى نفس الوقت نقلل الزحام أيوة والله ليه منشتغلش كلنا نظام نوبتجيات ايه المانع أن يستمر العمل فترتين كاملتين كل فترة ثمان ساعات حيحصل حاجتين تخفيف الزحام وايضا استمرار العمل وياريت لو استمر العمل بهذا النظام حتى بعد انتهاء هذه الظروف ليه سجل مدنى وجوازات ومرور وشهر عقارى يقفل تماما ليه مصانع تعمل بنصف طاقتها أو الربع خذ حذرك وحافظ على نفسك استعمل الكمامة والقفاز واشتغل ليه يضطر الموظف فى الأيام العادية أنه ياخد إجازة عشان يستخرج بطاقة أو رخصة سابقوا الزمن للنهوض بامتكم حاربوا الكورونا بطريقة مختلفة … امنعوا التجمعات فى المقاهي والأندية والملاهي والمساجد والكنائس والحفلات ولكن يجب أن تدور عجلة العمل والإنتاج وهذه فرصة أن يتعود المصرى أن يعمل طول اليوم نفسي الناس تخلص شغلها وبعد كده تذهب للمرور أو السجل أو البريد مش ممكن حتلاقى زحام أو عدوى أو توتر .انا شايف اللى بيشتم ده عارفك عاوز تانتخ طول اليوم فى البيت ..
التعليقات مغلقة.