ماشي حافي بقلم أبوشمس سالم
معنداني ليه يادنيا.
وسيباني ماشي حافي.
عدلك ميزانه اختلف .
والحمل هد كتافي.
كفياكي ذل وهم.
حقك على راسي.
لا فيوم زعلت منك.
ولا حتي شكيت لغيري.
مصاحبني ليه يافقر.
وزي خيالي ملازمني.
مظلوم ياناس وخايف.
في يوم خوفي يحاسبني.
الفقر ورايه داير.
أهرب منه يلاحقني.
عندي في بيتي ساكن.
ياريته يحل عني.
دا بيت قديم ودايب.
عليّه يادوب ساترني.
والفقر مفيش كسوف.
وعايز ياخده مني.
وقالي إبني فجأه.
من الدنيا ليه حارمني.
صعبان عليه نفسي.
إوعاك يابني تلومني.
عارفك محروم ياولدي.
والحرمان ده قاتلني.
إحمد ربك ياولدي.
وادعي ربك يعييني.
ياريت في ايدي حاجه.
وجعك يابني قاهرني.
لو يلعب معايه حظي.
والفقر يوم يسبني.
راضي بحالي دايمًا.
وغدر الصبر خاني.
صبرك مراره علقم.
حتي الصبر مخاصمني.
التعليقات مغلقة.