مافيش داعي شعر / وحيد علي الجمال
مافيش داعي تعاتبيني
على دمعي اللي سال مني
دا كان تنهيدَه مش اكثر
ومش لازم يكون بينا
زعل وخصام
وابات مهزوم بأحزاني
زمان ده كان وكان له مكان
اكيد بينا هيتقدر
وليه ديما بنتنافس
على مين جرحه كان أكبر
ومين غلطان وكان قادر
ومين مجروح وكان صابر
ومين داق المرار شاكر
وكان طعمه كما السُكَّر
انا قدمت أعذاري
وقلت كتير في أقوالي
حاولت ابرر الأحداث
بإني ضحيه لظروفي
لكن مظروفي كان فاضي
وعُذري كان من الماضي
ومين في الماضي يتْشَفَّع
صحيح بكتب عليكِ كثير
وعن غيرك بأسمائهم
سنين مرت
ولا في مره انا نسيتهم
ماانا قلبي اكيد له ضمير
وياما قلبي شال مني
وياما ف وهمه كنت أسير
ومش قابل كدا تغيير
ساعتها بترجِم الحاله
وبتعجب على حالي
اذا مرت على بالي
حروف موجوعه
مش اكتر
انا مش راضي برضاكِ
ولو دمعي بنهر العشق وَضَّاكِ
بتيجي لي حدي تتردد
وحلمي في الهوى أسَرِك
بتفسيره وتأويله
حكايتك صفحة منشوره
بتحفظها دواويني
علامه بتجمع العشاق
ومهما تغيب وتنساني
الاقي نفسي وخداني
على عينيكِ وجع مقتول
قصيدتي فيكِ عنوانها
كما قولتِ وكام جنيه
وأميرة وبيت مهجور
على جزيرة وباب مقفول
ملامحي فيك محفوره
حجاب مسطور
وبحر الهوى انتِ وشطآني
أنا فيك شراع مكسور
التعليقات مغلقة.