مالقيتهاش…
أحمد فؤاد الهادى
مالقيتهاش
شعر غنائي
ـــــــــــــــــــــــــــــــــــــــ
اللي عارفها قبل ما شوفها
طوفت الدنيا لحد حروفها
وناديت لما الصوت اتحاش
مالقيتهاشطلعت لفوق ونزلت لتحت
يمين وشمال ولا مرة ارتحت
ولا شوفت النوم ولا مرة فرحت
وهرب عمري كله بلاش
ومالقيتهاششوفت عيون وسمعت كلام
وصادفت آمال زي الأحلام
وبقيت تايه في الأيام
واللي ف بالى برضه ما جاش
ومالقيتهاشلملمت همومي والأحلام
وخلاص مش شايف حاجة قدام
وفات الوقت ومستناش
وما لقيتهاشقلبي عارفها كأنه شايفها
نفسه ف كلمة من شفايفها
شاف ميت غيرها.. ومبيرضاش
واعمل أيه.. وانا مالقيتهاش
ــــــــــــــــــــــــــــــــــــــــ
أحمد فؤاد الهادى ـ مصر
التعليقات مغلقة.