مالهاش لجام
أسـمـاء الـبـيـطـار
تجبها يمين تجبها شمال مالهاش لجام
- يبقى أكيد دخلت من سكة غلط راجع نفسك و شوف ؟
أبداً يا دووب
دا أنا في يوم مشؤوم قولتلها سيبيلي عقلك حبة أيام ….
في الحقيقة طلعت جدعة ، و قالت أجرب و أشوف .
- ها و إيييييه الأخبار ؟
إسكت عينك ما تشوف إلا النوووور
أتاريها بتقرا الأفكار . - بس مش باين عليها !
ما هي دي المصيبة .
شافت عقلي من جوه بيودي و يجيب .
إزاي أخليها طوع بلسان مقطوع ، و أزرع في دماغها حبة أفكار
و من يومها لقيت قدامي حد معرفوش
بقت توديني البحر ، و أرجع عطشان . - فين يا سيدي العضلات ؟
أسكت يا عم دي بقت تكلمني بعنيها حاضر و نعم و جميع الطلبات . - مبروووووك يعني بقت بلسان مقطوع ؟
إسكت خلي الطابق متسووور - ما إنت الغلطان .
يعني ربنا مديك عقل ركبته شمال و عارف
” إن كل واحد عاجبوا عقله حتى لو جابولوا عشرين عقل فوق عقله “
إنت ما بتقراش الأمثال ؟
شوفت بعيني ما حدش قالي .
و إسكت بقى و سيبني في همي
أحسن دي بقت رسمي معاها شهادة معاملة أطفال .
/ مُجرد خاطرة /
التعليقات مغلقة.