مالوش كبير
سولافا بسيوني.
قالوها زمان
أهالينا.
وأمنوا بيها
قبلينا.
دي حكمة من
الزمن لينا.
نحس بيها
ان احنا بخير.
إللي مالوش
كبير يشتري
له كبير.
ناتج عن وعي
وتفكير.
في ناس
بتستقوي على
الغير ما
عندهاش قلب
ولا ضمير.
يدوسوه تحت
المداس يقولوا
عنه حقير.
نلقى نظرة تكبر
ونبرة مغرورة
ولهجة فيها
الأنا عالية
ومشهورة.
وعود فجأة
اتفرد بطريقة
مجبورة.
بيقولك كلمتين
عارف بتكلم مين؟!
سمعنا واطربنا
ما احنا ليك
جاهلين !
فهمنا تطلع مين
ومين في الكون
دا علمك تتكبر
ع البني أدمين.
الدنيا ليها
حاكم راعي
لعباده وعادل
ومفيش غيره
كبير.
لو يوم تظلم
هيمهلك لكنه
مابينساش.
لامال هينفعك
ولا كرسي كله
زايل هتروح
منها ببلاش .
ولا باقي فيها
غير رب العالمين.
علي إيه هتتغر
وبإيه،يمكن إللي
إتكبرت عليه
يكون في نظرك
مالوش قيمة
او انك مخلوق
من طينة غير
الطينة ما يمكن
عند ربه يكون
مالك قصور
وجناين وحور
عايش عيشة
أمير.
وتبقى ضيعت
حياتك ف غمضة
عين.
وتيجي قدام
ربك ذليل وحزين
وتقول لو يردني
هكون غير.
هساعد كل محتاج
وعابر سبيل
وأمشي ف
طريق الخير.
هعطف على
مسكين ولا يوم
هتكبر عليه
الدنيا ليها كبير.
إلحق نفسك قبل
الندم و إرجع
لسه قدامك كتير.
بس إوعى
ترجع لقديمك
وتبقى له
أسير.
خلي الضمير
صاحي جواك
دليلك لفعل
الخير.
يدق ناقوس
الخطر ينبهك
ويغير المسير.
كدا تضمن
اخرتك وتبدل
المصير.
التعليقات مغلقة.