مانش حقسي بقلم :حمادة ريحان
مانيش حقسي ……
عشان والله مش حقدر
اشوف الدمع بيمطر
وتدبل وردتي الحلوة
وتتحول لشوك أصفر
واشوف الارض الخضرة
بتتشقق و تتصحر
مانش حقسي ، ولا حنسي
ولا هحدف كلام من طوب
ولا هبقي ماكر ولعوب
عشانك انتي ياناعسة
حكون ايوب …
وعارف أد ايه حباني
وحاسس بيكي ومقدر
مانش حقسي ….
وحرمي مشاعري بين ايدك
وبالراحة ترصيها .. تحسيها
بكل هداوة حتعيدك
لذكري جميلة كات بيننا
تحسي بطعمها السكر
مانش حقسي …
ولا هزعل ولا هكشر
وهفضل هادي أدامك
ولاحشهر سيوف عنتر
ولا إزعاج في أحلامك
مانش حقسي
وكل شوية راح اسمي
واكرر اسمك ….اتذكر
بإنك ساكنة في دمي
دا شيئ مفهوم ومتفسر
مانش حقسي …
ولا عمري هكون زعلان
عشان فعلا ماليش غيرك
وفين ماتروحي تلاقيني
حريص اتبع خطوط سيرك
مانش حقسي عشان خاطرك
عشان الدمعة في عيونك
بتتعبني أنا أكتر
مانيش حقسي
التعليقات مغلقة.