ما بين الدقائق …بقلم إيمان ياسر
إجتمعوا علي مائدة الطعام و بدأ كل منهم يقص ماحدث معه في يومه حتي جاء دور يزيد وقص عليهم ما حدث معه في يومه كاد أن ينتهي حتي قال متذكرًا :- ااه ماما في ولد شكله غريب جه الفصل معانا انهاردة.
نظر اليه قاسم بإستغراب:- غريب ازاي يعني؟؟!
حرك يزيد كتفه بلامبالاة وهو يعود لطعامه:- معرفش بس شكله مش زينا كدة وشه كبير و عينه غريبة كدة وعلي طول بيضحك ومافيش حاجة تضحك اصلا.
ثم قال ضاحكًا:- وحركته كدة مضحكة خالص.. اصلًا مصطفي صاحبي اتفق معانا اننا مالناش دعوة بيه فكل الفصل مش هيكلم معاه.
كشر قاسم و جمدت ملامح إلهام التي قالت بصوت محايد:- خلصوا اكلكم يلا.
بعد الإنتهاء من الطعام جلسوا في ذلك الركن الذي خصصته إلهام ليجتمعوا فيه كل يوم فيعلموا أولادهما كل يوم درس جديد.
كانت إلهام أول من تحدث و قالت وهي تراقب رد فعل أولادها :- انا وبابا قررنا قرار…
نظروا لها بفضول منتظرين معرفة هوية ذلك القرار فأستكملت إلهام كلامها:- احنا هنمشي القطة
هب يزيد معترضا صارخًا بلا، فزجره والده قائلا:- اتكلم بصوت واطي
قالت زينب معترضة:-بس ديه قطتنا ليه تمشوها؟!
أمرتهما إلهام بالصمت ثم وجهت كلامها ليزيد:- علشان القطة مش شبهنا ليه نربيها ونهتم ببها ونلعب معاها عادي مع انها بتعمل حركات غريبة كدة
قال يزيد مستنكرًا :- ايوة يعني ازاي القطة هتكون شبهنا!!
قالت إلهام بخبث:- يعني انت معترض يا يزيد علي القرار؟؟!
اجابها بعند:- ايوة
ادعت الاستغراب وهي تقول:- غريبة مع انه قرارك
هتف بإستنكار:- اناااا!!!!
_ ايوة انت.. مش انت لسه قايل انك مش هتلعب مع صاحبك علشان مش شبهك شوية فأزاي هتلعب مع القطة الي شكلها غريب خااالص بقي عنك؟؟
حاول يزيد نفي التهمه عنه قائلًا:- لا مش انا ده مصطفي صاحبي
أخذ قاسم لجام الحديث من زوجته:- بس انت وافقته وماقولتش لا ده غلط
ثم اخذه في حضنه و قال:- انت ترضي ان صحابك في الفصل يقولوا لا مش هنلعب مع يزيد و تكون قاعد لوحدك
هز يزيد رأسه بلا، فأستكمل قاسم الحديث :- يبقي ماتعملش في حد كدة طالما هتزعل
رفع يزيد عينيه لينظر لأبيه متسائلا:- بس هو شكله غريب ليه؟؟
اجابة قاسم بحكمه:- علشان احنا بنكمل بعض انت شكلك غريب عن اختك و كلنا كدة شكلنا مختلف عن بعض ربنا خلقنا مختلفين علشان كل واحد ليه ميزه بتميزه عن اي حد
نهض يزيد و قال بصرامة طفولية:- انا بكرة هلعب معاه وهخلي كل صحابي يلعبوا معاه
و اسرع بمغادرته الركن ثم عاد ونظر لوالديه برجاء :- هتمشوا القطة؟؟
ضحكوا و أجابوا:- لا مش هنمشيها
ثم قالت إلهام:- مش معني انها مختلفة اننا نبعد عنها كلنا بنكمل بعض
التعليقات مغلقة.