مبحبكيش بقلم.محمد الشناوى الشيوى
فبلاش تقولي للليالي
على إلكان
ولاتفتحيش جرحي
إل عشته من زمان
كنت أشوفك
في السنابل والحقول
شمس صابحه جايه
بعد ليل خجول
كنت عايشك بالأصول
وزرعت قلبي بعترانه
بلون عنيكي
علشان كفوفك
من عبيرك يبهلو
مرضيتلكيش حتي
المهانه
فللأمانه نجوم السما
لو شافو حسنك ينزلو
هيلاقو دمى في لون
خدودك
والحرير من معطفك
همس النسيم
عنوان لجودك
ولامره فكرت
اقطفك
أرويكي من شوقي
الأمان فمتحتاريش
وبرغم ذلي
مليتلك الكاسات عتب
فشربتي حتى مشفتنيش
وندهت للصبح وعبايتك
فوق ربيعي ولفو
وفرشتلك درب الضحي
بسمات
فمرقتليش
خليني أعيش؛ مع
طيف خيالك بالهنا
ليه قسوتك دون البشر
لياأنا
يا دمعه العمر إل
ممدود على الرصيف
ماهو هوأنا
إل مقطعاني بألف
سيف
و راميه سيرتي
للضواري ينهشوها
قوليلي كيف
قلبك ضميره غاب
لوكان خيالك شاب
فأنا لسه في دروب
الأمل
وبهد في حيطان الخريف
كان نفسي اكونلك سوسنه
اوبسمه حلوه في
إيد رغيف
التعليقات مغلقة.