متحزنشى
سولافا بسيوني
مهما الحياة
تاخد منك
متحزنشي.
ولو الزعل
في يوم
زارك خليه
يمر وما
يدومشي.
ولو انكسر
في يوم
خاطرك
إرمي وراك
ومتزعلشي.
إفرح بيومك
وانسى الآه.
حتى لو عنك
يوم تاه.
هيعود ينور
الحياة.
ضحكة عيونك
متهونشي.
وإن ضاقت
الدنيا ف
يوم بيك.
مابقتش لاقي
شيء يرضيك.
إصبر ورزقك
لو بين الحجر
هيجيك دا لسه
ربك ما أذنشي.
ماتشتكيش
ولا تتعلل.
ولا ف مرة
تروح تتذلل.
خليك عزيز
نفسك غالية.
ما كل الناس
ماشية وشايلة.
ومين فيها ما
شافش آلام.
ولا اتجرح في
يوم بكلام.
ما تقول علي
الدنيا السلام
عايشانا واحنا
ما بنعشي .
شايفه ما فينا
من أوجاع.
وكتير بنتذل
ونتباع.
ومقضينها
لقا ووداع.
ورغم المر
مابنقولشي.
لكنها مش
مستاهله.
إفهمها من
أول وهله.
آخرها موته
وكدا خلصت
وللنهاية كمان
وصلت.
زيح الهموم
ولا تتألم.
وارفع الراية
وسلم.
وم الحياة
دوق واتعلم.
لو جت عليك
عيش أيامك
خليها تمشي.
ولاتحزنشي
سولافا بسيوني
التعليقات مغلقة.