متخافيش بقلم محمد عبد الكافى
ياللى سماكى من جمال قلبك وطبتك
دول خدتنى
غيرتنى
علمتنى ان الحياه من غير عنيكى
متساويش
وانى مهما بعدت عنك لازم أرجع
لازم أقطف من حنانك
من جمال طبعك وأدبك
شيء يخلى القلب ينبض
شيء يخلى الروح تعيش
متخافيش
صدقينى يا ملاكى
قلبى عمره ماحب ابدا حد قبلك
وان عينى لما على غيرك خدتنى
كت بتاخد فيّه صورتك
كنت ببحث فيها عنك
كنت متغرب ولكن
عشقى ليكى
كان حكايه جوا دمى
كنت بتنفس هواكى
وعمرى ماتصورت انى
بعشقك عشق الجنون
وان حبك ده فؤادى
وانه شريانى و حياتى
وان عينى كت بتبحث عن عنيكى
رغم انك
قدام عنيه مابتغبيش
متخافيش
سامحينى يا أنا
سامحى قلبى اللى غادِرته
سامحى عمرى اللى هدرته
سامحى أيامى وسنينى
اللى عشتى فيها وحدك
واللى كنت أنا فيها جانى
وغصب عنى جيت جرحتك
يامو قلب رقيق وطاهر
متخافيش
طيرك اللى كان مهاجر
والزمن واخده وغشه
عاد لعشه
عاد عشان يحضن سماكى
ويرتشف منها الحياه
يامو ضحكه رقيقه صافيه
قلبى بيقولك بحبك
وروحى بتقولك بحبك
حب أسمى من الحياه
حب لازم م النهارده
يبتدى فى النور يعيش
متخافيش
التعليقات مغلقة.