من ديوان…مواويل من حواري القلب(متذوق بيستناك)
شعر
سيدة القصاص
من ديوان…
مواويل من حواري القلب
(متذوق بيستناك)
شعر
سيدة القصاص
باغيب عنك
بتندهلى
وتسرق أحلى
أٌيامى
تغرَّبنى بينات
أهلى
ٌيا أجمل حُب
جربته
بكاس قلبك
تشرَّبته
فقام قلبى
ومد إيديه
إليك فاير ملاك
حاير
فخدته وطرت
لفِّيته معاك
بحرير
على جبال
الأمل واقفة
الأمانى هناك
معاها الفرح
متذوق
بيستناك
فرحت كتير
وفجأة
قلبك الآسى
ترك قلبي ونط يا
حُب م الشباك
حزِنت كتير وقفت
أنده بأشواقى
وروحى كإنها
مسامير
ومغموسة
فى نار (الكير)
ومت خلاص ماعدش
مناص
ما نيش
هاقبل غرام
بعدك
يا ويل ويلي
أنا ف بعدك
وصار قلبى شهيد
.. فرقة
ومش فارقة
شهيد ملفوف
بتوب الحب
و
متكفن.. بآلامه
بحُرقَاية
وتجْريحَة
وصَلُّوا…
عليه صلاة
مفيهاش تسْبيحه
قلوب ظالمة
وشَبِّيحَة
ما هُو دبيحَه
ف “جَنٍش” الحب
شَفُّوها
بدون تبرير
عشان قلبى صَاحِب
مبدأ
وعَنده
فَراسَة المؤمن
وعَنده ضمير.
التعليقات مغلقة.