مجرد صوت …بقلم أحمد شاهين
باصِين للفقير فى بصّلته
ولطِفله وفلوس حصالته
لموبايله وكّرته وخطه
ويقولوا معاه
باصين له فى ضحكة يومه
ناسين الوجُع طول يومه
وإزاى بس ينسى همومه
ويفارق شقاه
باصين له وقالوا يا بخته
لا دكاتره تقلل راحته
وبياكل كدا وبراحته
مش فارق معاه
شايفينه بعيون مش هيه
دا عيونهم دى غاويه أذيه
ملاينِهم تعدى المِيه
عايشين الحياه
شايفينه مجرد صوت
يرفعهم بحبة قوت
يِبنلهم قصور وبيوت
وخساره الزكاه
باصين للفقير فى مرايته
ولا مره بيئروا حكايته
حاسدينه على غِنويّته
وحكاية هواه
باصين للفقير علشان
عارفين إن دا إنسان
لو شايل جبال أحزان
يتّحمِل أساه.
التعليقات مغلقة.