مجنناني بقلم الشاعر جمال زكي عينر
مجننانى يا حب عمري
مجننانى
شيبنى حبك في الهوى
على غير اوانى
حبك فى قلبى يا نور عينيه
له طعم تانى
مجنون بحبك عقلي تاه
وزاد جنانى
مجننانى وانشغلت
بحبي ليكى
من كتر حبى ولهفتي
بخاف عليكى
بخاف تروحى واتحرم
نظرة عينيكى
كل اللى طالبه ترحمي
قلبي ف ايديكى
عشان بحبك وبريدك
سايقة الدلال
عشقت دمك في وريدك
والقلب مال
من يوم ماشفتك وبعاني
بقى حالى حال
بيعدى ليلك في ثواني
وانا ليلى طال
ليه في العذاب ما بتغلبي
حرام عليكى
رديلى عقلى والنبي
كله بايديكى
جمال عينيكى وسحرها
دوبنى فيكى
انتى حياتى ودنيتي
وانا كلى ليكى
شفت ف حقيقة وفي الخيال
من كل لون
ما شفت زيك في الجمال
يا اجمل عيون
خلانى حبك في الهوى
عاشق مفتون
بقيتى ليلى يا مهجتي
وبقيت مجنون
التعليقات مغلقة.