محتاجالك شعر غنائي كلمات : أشرف يوسف
لو كنت محتاجلي قيراط
أنا محتاجالك
أربعه و عشرين قيراط
و هو ده طبع الحياه
بيكون جميل
لما يكون فيه خُد و هات
وانا ياما قولت ياروحي
خُد
و ما قولتلكش في ليله
هات
وان كنت مره اديتني
حاجه
أنا قبلها اديتك حاجات
و عشان بحب بحس إن
هوانا فيه أَخْد و عَطا
وف كل شئ بنكون لبعض
أنا و انت فيه ستر و غطا
و حلاوة الدنيا يا روح
قلبي ف كده
لو كنا حتي محتاجين
بنحس دايما بالرضا
و عشان كده دايما
بتجمعنا
السعاده ف كل شئ
و بنمشي في الدنيا سوا
ويا الهوي أجمل طريق
وبرغم ده أنا و انت دايما
في الهوي بنحتاج لبعض
بنحب فيه طول عمرنا
ولا ليله واحده خلفنا وَعْد
بنحب فيه
طول عمرنا
ولا ليله واحده
خلفنا وعد
الأحد بتاريخ ٢٠٢٢/٣/١٣م
بقلم الشاعر : أشرف يوسف
من ديوان : كلام في الحب
التعليقات مغلقة.