محتاج بقلم مدحت رياض
محتاج لناس
تقراني من جوة
موش بس ياخدوا الفكرة
م العناوين
ناس ليها قلب
وعارفة فين هو
موش بس صورة
بإسم بني آدمين
محتاج لصبر
وجنبه سيل قوة
أقدر أعامل بيها
ناس تانيين
بيهدوا كل الحلو بمروة
وكأن هما وبس
دول عايشين
محتاج براح
وياخدني بجناحه
لو فيه براح في الدنيا
عنده جناح
ميهمنيش مين غابوا
أو راحوا
مادام قدر ع البعد
وحده وراح
يظهر ده حال الكل
وصبره بجراحه
وريني مين في الدنيا
عاش مرتاح
التعليقات مغلقة.