مد إيدك بقلم . اشرف الشناوى
كسر الخوف قوم وعدى
شيل جراحك بالتحدى
بكره جى ولونه وردى
واوعى حزنك يغلبك
ياخدك معاه ويشتتك
قوم وعيش العمر لحظه
للسعاده سكه واحده
بالامل تقدر تعيش
لو وقعت قوم وكمل
واوعى تفضل يوم مكانك
الحياه دايما بتجرى
اسبق انت مهما كانت
كسر الخوف قوم وطير
هز قضبان المصير
واغزل الحلم بامانى
واوعى تفضل يوم اسير
عدى حزنك لو بحور
واخطف الضحكه اللى باقيه
حتى لو مربوط فى ساقيه
ضحكتك بر الامان
لم خوفك جوا منك
وارمى غزل تصيد فرح
مهما كان الحزن عالى
او بيرمح فى الليالى
بكره تلقى الحلم طارح
والنهار بيدق نوره
والامل بيلف سوره
فاخلع الخوف
من جدوره
تحس طعم الانتصار
دا الحياه
من غير امانى
طعمها يصبح
مرار
ضحكه واحده
تعدى بيها
كل أسوار الانتظار
مد ايدك جوا منك
تلقى الف
ومية نهار
التعليقات مغلقة.