مراجيح …….يالها من تنهيدة عندما نغمض العين ونبحر هنا وهناك.
الشاعر بكري جابر
مراجيح
و السيرك حواري
و زحمة
و ناس بتعدي عليها الناس
العمر يفوت
أحلام
أوهام
و سنين بتمر كأنها ريح
القطر بيجري على القضبان
و طاحونة يا دنيا
قلب الناس مرهون على وعد
وعد و وعد
وعمر الناس دايما مواعيد
إمتى العيد يا أهل الله ياخلق
عمر الدنيا ما كان فيها عيد
العيد …
الجنة …
الحب هناك …
وهناك جواك …
جواك مقسوم
على جمع و طرح
والحِسبة بسيطة
روح عطشانة و قلب حزين
عين سهرانة بتشكي لمين ؟!
دايما قلقان
خايف من بكره
و الخوف سجان
ابواب السما دايما مفتوحة
مقفولة عيونك دايماُ ليه ؟!
افتح باب القلب و سافر
عدي حدود الشوق و الزحمه
قلبك رحمة
و روحك بِكر
نور على نور ان انت تحب
حب الحب بدون ما تفاصل
إوعى تفاصل … مره عليك
إوعى ف مرة تقَسِّمْ فيك …
ده انت ما ليك غير عمر و لحظة
و بكره تمر
بكره تمر على اللي وراك …
و هرب من إيدك
تُهت و تااااه
و الدمع ف عينك
مش ح يفيدك قولة آآآه
إزاي انا تُهتْ ؟!
هي الدنيا السوق و الزحمة
هي الخلق مع المراجيح
آآآه يا جريح
والهوى أوجاع
إوعى تكون منك متابع
غمض عينك
بص عليك
خُدْ بإيدين اللي نسيتُه
حِنّْ عليك
سافر بيك
و إليك و انساك
انسى السيرك و ناره الحامية
قبل ما بكره …
راح ينساك
التعليقات مغلقة.