مراكـــــب روحــــــك
بقلم معوض حلمي
وباعـاتـب روحــي بهمـــــــــس
إزاي ماعرفتش الاغي عينيك
وبرغم سهامك سايبه جروح
والجرح بيكبر زي ميدان مفتوح
مابلمش أبد ولا أبدا يوم بيطيب
غير لما إيديا تنام في إيديك
ملعون الإحساس الميت جوا الروح
بيخلي الرعشه تنز الخوف مسافات
والقطـــــر ان فـــــــــات
بيمـوت الأمـل المبـدور
وانـا ناقــــــص نـــــــور
محتـــــــاج لفنـــــــــــار
والمـــــــــوج غــــــــدار
بيخلي العمر ينادي وداع
وعينيك النايم فيها الحلم شراع
سحـراني وعرضـاني مشـاع
والنبض الواقـف جوا القلب
حالـــــــف مايكـــون كــــــــداب
حالف ماتكون دقاته لحد سواك
خليك ع الخط ماتقفلش الباب
دا انا باشحن إحساسي غناك
عنقـودي الطـارح نـور بيهـواك
وان غيبت هناك انا هاستناك
واحلف لك ألف يمين مشتاق
مشتـاق لمراكــــب روحــــــك
تيـجي تاخدني لحضن هـواك
تيـجي تاخدني لحضن هواك
التعليقات مغلقة.