مربعـات الفـلاح الفصيـح” يادنيا مالك”…
معوض حلمى
مربعـات الفـلاح الفصيـح
ـــــــــــــــــــــــــــــــــــــــــ
ـــــــــ يادنيا مالك ــــــــ
يادنيـا مـالك مـخالفــه
لويالي بـوزك حـوايــه
عطيالي مليون مخالفه
ولغيري شايله الحوايه
ــــــــــــــــــــــــــــــــــــ
يـادنـيــا ليـا مـاجـايــه
كسرالي ضهـري وبعتي
هـواكــي فـارق هـوايـا
سايباني تايه ف حيرتي
ـــــــــــــــــــــــــــــــــــــ
يادنيـا ليـا ماطـولتـــي
ولا غـر نـورك عيـونــي
أنا زهدي فيكي بطولتي
مهمـا الهفـايا عـابـونــــي
ــــــــــــــــــــــــــــــــــــ
يادنيـا ناسـك لامـــوني
شافوني ناسك ف بابك ناسك.. متعبد
يكفيني عيشي ولموني
واللحـمـه كلهـا غرابـك
ـــــــــــــــــــــــــــــــــــــ
يادنيا ليه سايبـه نابك
مغروز ف لحمي وجعني
لا كلت مــره منــــابـك
ولاقلت جوعي فاجعني
ـــــــــــــــــــــــــــــــــــــ
يادنيـا كفـك دوشـنــي
سرجـلي عينـي عـمانـي
والنـدل فيكي روشني
عمـل كويتـي وعمانـي
ــــــــــــــــــــــــــــــــــــ
يادنيـا مـوجـك رمـاني
عـدي المراكب وسامحي
خليــه يوافــق زمـانـي
يكفيني غلبي ورمـحي
ـــــــــــــــــــــــــــــــــــــ
يادنيا ليه كلتي قمحي
فضيتي كل الحواصل
غيرتي لوني وملامحي
ومنعتي خيرك ماواصل
ــــــــــــــــــــــــــــــــــــ
يادنيا حوشي الفواصل
لمينـا لمـه ف رباطـك
ننسى آسانا اللي حاصل
يسرح فمسرى شبـاطك
ــــــــــــــــــــــــــــــــــــ
يادنيا هزي ف سوباطك
أنا عقلي تايه ماراسي
واخده الدنايا ف باطك
وعنـي قافلـه المراسي
ــــــــــــــــــــــــــــــــــــ
بقـلمي الفلاح الفصيح
مـعـــــوض حـلـمـــــــي
منشـــــــأة بطــــــــاش
تمي الأمـديد / دقهليـه
التعليقات مغلقة.