مريت على بيتنا القديم .شعر. السيد الشيتى
مريت على بيتنا القديم
قصدى إل كان
وفضلت أدعي ربنا
يرحم زمان
وانا ف الطريق
حسيت بصوته بيناديني
صوت البراءه والصبا
عمرى وسنينى
حسيت بقلبى وفرحته
بصوت الادان
ورجلي سابقه لوحدها
عارفه المكان
وبشوقه نادانى
حنين صوت الجيران
حنيت لضى القمر
والفجر لما بان
وزقزقة عصفور
يدَوَّر ع الأمان
وشُفت بيتنا عمرى هان
وكأنى تُهت عن المكان
وسألت عن بيتنا الزمان
الحزن خيم ع الخيطان
عَجِّزت يانبع الحنان
واليُتم عشش ع البيبان
ياعروسة حلوه اترملت
قبل الأوان
مين ال غير سحنتك
وشيب البُنيان
بيتنا ال كان بيضمنا
والحب يجمعنا
حبه بيسرى ف دمنا
ووجوده له معنى
سرق الزمان فرحته
من يوم ماودعنا
دبلت زهور بسمته
حاسس بأوجاعنا
ياما الزمان زار عشنا
كان همه يسمعنا
ياذكرى عايشه ف دمنا
ياحب ساكن بين ضلوعنا
التعليقات مغلقة.