مريض نفسي… كلمات ايمن شتا

سرير في عيادة نفسية
ووحدة وضلمة طول الليل
شريط أحزان بيتكرر
دموع بتخلص المناديل
وحالة خوف مصحباني
ورعشة ايد بتخنقنني
يروح مشهد يجي التاني
في ركن بعيد بيحضني
صور عالحيط بتتكلم
بتحكيلي عن الماضي
وصوت شباك بيتألم
واقوله اسكت ومش راضي
كلام واحد خلاص اتجن
واحزانه بقيت براكين
تشوفه تقول عليه عاقل
وقلبه جوا منه حزين
دي حالة بجد طبيعية
وبنعشها في نص الليل
عشان امرضنا نفسية
دموعنا بتحكي للمناديل
….
ايمن شتا