مريم العذرا
بقلم سولافا بسيوني.
يا مريم يا ستنا
العذرا يا أم
الوليد.
من وإنت لسه
في بطن أمك
موهوبه
لله المجيد.
زكريا يدخل
محرابك
يلقى الخير
فيه ويزيد.
ويسألك وإنت
تجاوبي دا رزق
ربي ليا أكيد.
وملك من
الله جالك
يبشرك بغلام
فريد.
ولما شاف
فيك الدهشة
قالك دا أمر
الله المريد.
حملك ما دامش
يادوب ساعتين.
بعد الألم
هزي النخلة
كلي وإشربي
وقرى العين.
وعن الكلام
كله تصومي.
يوم كمان بعد
الليلتين.
لما الوليد
هيكلمهم
هيشوفوا
إعجاز المعين.
وإن توبك م
العفة شاهد
عليكي يوم
الدين
ولما إتقتلوا
المولودين.
سيبتوا الديار
ورحلتوا
ودخلتوا أرضها
أمنين وغيبتوا
سنين.
في كتاب الله
إتكرمتي قرأنا
وقولنا بعده
أميييييين.
آسيتي كتير
وصبرتي
ولقصتك
دايما ذاكرين.
يا مريم يا
ستنا العذرا
يا أم الوليد
من وإنت لسه
في بطن أمك
موهوبة لله
المجيد.
التعليقات مغلقة.