مسافر…
إبراهيم عبد الفتاح شبل
قطر المحبة يامسافر فيك
القصص أنواع
فيك الناس بتستخبى من المر
وقوة الأوجاع
وناس مستنية القدر من واحد
لضميره باع
شبعان بذمته وحضرته يغور
الشعب لو جاع
القطر كان بيشيل همي ولسري
عمره ما ذاع
رغم وشه الحديد فيه حنيه شايلها
للإ متاع
إلا كلاب البشر خلونا في القطر
فرش متاع
القطر لقطبانه بيغني وفجاءة
حصله صداع
تصدع القطر من ظلم فلنكاته
بجد للقضبان
الظلم داس فنامت القضبان
بحضن الغلبان
وبدون أحساس صار في حالة
من الهذيان
لما لحم الجسم اتعرى وانقطع
كما الخرفان
القطر نام على جنبه مستني
م الوزير بيان
هو دا بجد أهمال ولا فعل خاين
جبان
وحياة احلام ماتت كانت بجد
اماني للإنسان
وحياة الموت على قضبانك ذكرى
للنسيان
قبل المحطة وقبل النزول حصل
البركان
اتشهدت وأنا المسافر اكيد للجنة
الرحمان
الشاعر / إبراهيم عبد الفتاح شبل
التعليقات مغلقة.