مسامحاني …يسري عثمان
انا جاي لك
ولهفة شوقي نار وحنين
انا غلطان
انا باتقلي علي الجنبين
انا جايلك وانا جاني
وحاتزوق باحزاني
ياساكنه كل وجدانى
تسامحيني؟ تسامحيني؟
حاتمحي دمعه من عيني؟
اكيد ايوه
ويمكن لاء
والله ياغاليه
من غيرك قلبي مادق
ولا حسيت البشر والناس
ولا ليه قمر وناس
ولا شمسي بتطلعلي
ولا ضلي متابعني
وصوتى نسي الاحساس
ياستي خلاص
مسامحاني؟
خلاص يا ملوعه قلبي
الاهي تدوبي وتطبي
وتحتاري ف هوايا كتير
ولا تنامي من التفكير
وابقي لك عزيز وسمير
يا مجنونه ياروحي باغير
باحبك باحبك
باحبك موت
التعليقات مغلقة.