مستحيل…شعر أشرف الشناوي
مستحيل
يكون دا قلبك
اللى كان بيساع
هوايا
اللى عشت معاه
وخادنى
ايوا أبعد من
منايا
مستحيل يجرح
ويقسى
هى ايه بس الحكايه
مستحيل
يكون دا قلبك
اللى كان زى
المرايه
كنت شايف فيه
ملامحى
كنت بنزل فيه
بجرحى
مهما كان ذنبى
تسامحى
مستحيل
يكون دا قلبك
اللى داق عيشى
وملحى
بس قولى ازاى
يخون
او يبيعنى او
يهون
مستحيل ابدا
اصدق
ان دا قلبك اكيد
اللى كان مليان
بفرحه
يتقلب ويكون
حديد
مستحيل
ابدا اصدق او
احس بطعم
عيد
طول ماقلبى
لسه شايفك
حلم عايشه
من بعيد
مستحيل ابدا
اصدق
ان دا قلبك اكيد………
اشرف الشناوى
شاعر عاميه
البرامون
التعليقات مغلقة.