مستكنيس.بقلم.وحيد علي الجمال
أي حد دخل حياتي
صفحة مني جوه فيسي
كان قرار منه اختياري
امر عادي شئ طبيعي
فعل مش مجبر عليه
مش هقوله بدون مناسبة
ياللا قوم العب بعيد
إما انك
من زمان موجود معايا
أو تكون
نورتني وساكن جديد
الصفحة دي ملكي لواحدي
كل ركن وكل حيط زي بيت
ببقى واخد فيها راحتي
اكتب براحتي افرح
براحتي ازعل براحتي
حتى لو هشتم براحتي
هي معموله لراحتي
وانت فيها ضيف عزيز
بالأصول هتعيش معايا
تكرم وتاخد احلى واجب
بالأصول
خش واتفسح براحتك
حتي لو هتحط رايك
يبقى نقد ويبقى لازع
مش ممانع انت حر
وشئ جميل
بس اوعي تقل راحتي
بالتجاوز أو يكونلك
يوم ميول شئ يخصك
هي دي كل الشروط
ممكن انت تقول غتاته
أو حماقه أو نداله
أو صفاقه
رايك انت حر فيه
وانت حر في اختيارك
ممكن انت بتكه واحدة
تمشي وتسيبها تغادرها
تروح بعيد
مش هقولك كنت فارق
أو هاجاملك يوم ونافق
وابقى في بعادك سعيد
بس فعلا الخلاصه
المعاملة بالرقي
هو دا كرم الضيافة
فيه ملاحظه بسيطة
خالص
بس جوهر في العلاقة
اللي منشور عندي شعر
حبه فصحي هيوزنوك
وحبه بالعامية شهد
هيسحروك
ليا فيهم كام قصيدة
ولأصدقائي زيي طبعا
بس شعر تقول نقاوة
عند غيري ملوش مثيل
أما لو للشعر كارة
وانت يعني ملكش فيه
انصحك وبسرعة غادر
ليه تصدع فيه دماغك
وانت صارف فيه عليه
مش هقضيها نصائح
عمري كله يضيع عليك
وحيد علي الجمال
التعليقات مغلقة.