مسجل خطر شعر / أشرف الشناوي
عنيكى وشفايفك تشكيل عصابى
وقلبك حرامى مسجل خطر
وايدك بتسحر قلوب البشر
بتقلب حقايق وتعمى النظر
وحضنك دا سجن مشدد خطر
عليه م الحراسه الوف م الغفر
يوماتى يعد اللى فيه بالنفر
بيحرق بيقتل ويخفى الخبر
كأنه اللى فاضل فى نسل التتر
يهد المداين ويقلع شجر
ولو صبح عدا عينيه تنكسر
ولو فجر غنا يموت فى الصغر
دا حضنك جهنم ماتعرف مطر
عينيكى وشفايفك كاسات للسهر
يلين من هواها ويبكى الحجر
ولو مره ضحكت تشوف العبر
هاسلم وهافتح بايدى البيبان
واسيبك تقسم وتسقى الغيطان
تدق الاشاير فى قلبى الجبان
وياخد جوازه وختم السفر
عنيكى وشفايفك قبايل غجر
وقلبك ملغم وغاوى السفر
خلاص قلبى سلم لكف القدر
وتاب من ذنوبه وربك غفر ..
التعليقات مغلقة.