مسحراتي ع باب مصر بقلم محمود فهمي
مسحراتي وتايه بوجدني
هايم ٱطوف في بلادك
هنا مصنع وهنا فلاح
شقيان يزرع في غيطانك
وهنا شارع مليان بٱحبابك
وهنا ميدان للأمل وميدان للعمل
وجامع مؤذن فيه يٱدن
يردد بصوت حلو الله ٱكبر
حي ع الصلاة وسبح المنان دا شهر طاعه يلا بهمه نحصد الخيرات
حي ع الفلاح نبني ٱمجادك
يحلو بكرا بفضل ٱولادك
وكنيسه تدق اجراسها
ترانيم حب بتحرسها
تشهد أن حبل الود بينا متين
وٱهلك يا مصر في رباط
كلام رسولنا محمد حبيبنا
محروسة يا بلدي ليوم الدين
مسحراتي وفي الٱصل ٱنا انسان وفكرتي مصاحبني
ومهما بقيت حقيقتي زوال
ومش باقي غير الكلمة الحلوة تتقل الميزان
مسحراتي واقف ع بابك
وعندي لسه كتير حكايات
…
التعليقات مغلقة.