مسحراتي ع باب مصر بقلم محمود فهمي
مسحراتي واقف ع بابك
وعارف ومتأكد انك تحبي
ٱحبابك
وعارفه مين سابك
ومين وقت الشدة كانوا ضهرك ال ساندينك
قنديل نور طايف في بلدانك
وفي عز الضلمة كانو عيونك ال حارسينك
محروسه يا بلدي مذكوره في القرآن
شرطه وشعب وجيش كانوا بعد المولى حامينك
مسحراتي واقف ع بابك
ومين كتب التاريخ غيرك
ومشاعل خير مبدوره
ع ضفاف نيلك
وصبايا ع الصفين بيغنوا
موال عشق لعيونك السمرا
وفي عز الشتا يغزلوا توبك
يدفيهم شعاع شمسك
مسحراتي وٱزرع وردي في ٱرضك
ويا سميني منثور ع خدك أعطر بيه ميادينك.
مسحراتي وجويا مظاهرة حب وٱحبك حب يفوق الحب وزيادة
التعليقات مغلقة.