مسحراتي ع باب مصر .. كلمات/ محمود فهمي
مسحراتي وتبت
وحلفت ما أكتب
فيكي الشعر من تاني
ولا أتهجي فيكي
حروف العطف من تاني
يمكن أنا اناني
لكن أروح وأنسى
وأكتب الشعر
تاني ل عيونك
وتشدني لمسة كحل
ساكنة على جفونك
وٱتوه من تاني
في دروبك
واحاور كل حواريكي
ك بحة ناي
ف تشبك روحي في روحك
ف يصحي الحب في عودي
وتعودي !!!!!
وأدندن حروف عشقك
ويحلى فيكي الشعر
من تانى
ما انتي اللمة واصحابي
وأنا كلك لما تبقى عاوزاني
مسحراتي وإيه الشعر
من غيرك
حروف مرسومة
ولا….ليها معنى
وصوت مبحوح
ما ب يعبر
…..أقولك …..
انا صوتي بيحلو بس علشانك
مسحراتي .. وتملي
أترجى الشعر من كونك
وكل حاجه فينا
تحتاج مليون تفسير
و حرفي فقير وبهتان
لما طيفك يوم يفارقني
ومش محتاح ٱفسر لك
إنك كوني وكياني وتكويني
ولا عمري هبطل اكتب فيكي الشعر من تاني
التعليقات مغلقة.