مسرح كومديا دق الببان …
بقلم . خالد امير
سمفونيه تمزج ودان
والمستخبي وادي الي بان
و ف الاخر أكتب انا انسان
مسرح كوميديا ف قطر العذاب
بتضحك وتبكي ونبح الكلاب
يعيش الي قاتل يموت الأحباب
حريه و عداله دي كانت هباب
عشناها سنه نسف التراب
وبعدها قالو خافو الارهاب
والله كافو رئيسنا حمينا
وايدو ف ايدينا وعمره م خاب
مفيش نور بيقطع ولا في انسحاب
مفيش عجز جاز ولا في بيت غاب
ومين الي حاضر ومين الي غاب
مسرح كوميديا وقطر الموت
انا رايح اركب معايا التابوت
وانا الي بغني وما ليش صوت
انا رايح اركب توت توت توت
دا مسرح كوميديا وفيه مخرجين
وعالم تغني وكمان ممثلين
مولع سيجاره
وموتي يا جاره
معرفش اصلا انتي تبقي مين
شبابيك بتكتر قدام العنين
مفيش باب بيظهر ولا مخبرين
يقولو حرام القطر له احترامه
فروحو وسافرو وانتو متطمنين
وجوا القطار في ناس متجمعين
يغنو يسلو ثواني بقيين
ولا حد داري مسؤل متداري وادينا شايفيت
بيطلع في بث ينادي استغاثة
ياعم بس روح شيلك جثتين
يقول الحقونا فظهرت كرونا
ولا حد داري نعدي منين
وهتمر بينا مرور الكرام
اصحى وفوق بلاش تنام
ودا تاني بث كفايه كلام
وعايش يعني علي الاحلام
ولا سعي منه ولا اهتمام
ودا ابن امه بينده سلام
سلام تبقي امك يا عم الكبير
وتحكي ف سرك وسرك ف بير
البير بيشرب منه كل الناس
وانت يا سيدي مفيش احساس
ودا بينادي علينا بضمير
ويحكيلنا ان جيشنا خطير
ولازم نخافو و مين الي شافو بإننا ممكن نحرر أسير
العب غيرها علي المشاهير
عرفين ان جيشنا حمينا وحارسنا
ولو وقت دعوه نلبي بروحنا
وعارفين ان جيشنا جنوده منا
سلام بس روح مترغيش كتير
التعليقات مغلقة.